Россия ва Ўзбекистон ўзаро савдо ҳажмини уч бараварга оширмоқчи
Россия ва Ўзбекистон товар айланмасини йилига 30 млрд долларгача, яъни ҳозиргига нисбатан уч бараварга оширмоқчи. РИА Новости РФ иқтисодий ривожланиш вазири Максим Решетниковнинг сўзларини келтирмоқда.
«Ўн миллиардлик [долларлик] рақамга эришдик. Бир қарашда яхши натижа. Аммо мамлакатларимиз етакчилари ўртасидаги [яхши] муносабатлар бизни доим олға интилишга ундайди», — деди Решетников.
Вазирнинг таъкидлашича, бугунги кунда Ўзбекистон Россия иқтисодиётини ҳаракатлантирувчи кучлардан бирига айланган.
2023 йилда Россия ва Ўзбекистон ўртасида товар айирбошлаш ҳажми $9,88 млрд.ни ташкил этган. Йиллик кесимда 5,4 фоизлик ўсиш қайд этилган. 2024 йилнинг январ — июн ойларида икки мамлакат ўртасидаги товар айланмаси йиллик нисбатда 29,5 фоизга ўсиб, $5,75 млрд.га етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter