Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тойлоқда 4 та кичик ГЭС қурилади

Тойлоқда 4 та кичик ГЭС қурилади

Дарғом каналида 2022 йилгача амалга ошириладиган бу лойиҳаларга 71,5 миллион доллар сарфланади ва уларни молиялаштириш учун Хитойнинг «Эксимбанк»и ва Россиянинг «Внешэкономбанк» хорижий банклари ҳамкор-кредитор сифатида ишга жалб қилинмоқда, деб хабар берди Самарқанд вилояти ҳокимлиги ахборот хизмати.

Хусусан, «Шавдор» кичик ГЭСи 7,2 МВт қувватга эга бўлади. Ундан кўра ҳажми каттароқ — 7,4 МВт бўлган «ПК135+50» кичик ГЭСи қурилиши лойиҳаси ҳам айнан Дарғом каналида бунёд этилади. Шунингдек, кейинги лойиҳадаги сув иншооти электр станциялари — «Боғишамол-2» кичик ГЭСи 6,45 МВтгача, «ПК 102+00» кичик ГЭСи эса 6,4 МВтгача қувватга эга бўлади.

«Булунғур Феникс Строй» масъулияти чекланган жамияти негизида ҳам мини ГЭС қуриш режалаштирилган. Лойиҳа Испаниянинг «Nikami Enterprise» корхонаси билан ҳамкорликда амалга оширилади.

Умуман, Инвестиция дастури асосида кейинги йилларда Самарқанд вилоятида электр энергияси ишлаб чиқаришни кенгайтириш бўйича яна бир қатор йирик лойиҳалар амалга оширилади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг