Озарбайжон Республикаси маданият вазири Адил Каримли Ўзбекистон Республикасига ташрифи доирасида “Андижон – Турк дунёсининг 2026 йилги маданият пойтахти” йилининг тантанали очилиш маросимида иштирок этди.

Турк дунёсининг умумий тарихий-маданий меросини тарғиб этиш ҳамда маданий алоқаларни янада мустаҳкамлашга хизмат қилувчи тадбирда туркий давлатларнинг маданият вазирлари, халқаро ташкилотлар вакиллари, таниқли маданият ва санъат арбоблари иштирок этдилар.

Маросимда сўзга чиққанлар Андижон шаҳрининг бой тарихи, қадимий маданий анъаналари ҳамда турк-ислом цивилизацияси тараққиётидаги ўрнини алоҳида таъкидлаб, мазкур лойиҳанинг туркий халқлар ўртасида маданий бирдамлик ва гуманитар ҳамкорликни янада кенгайтиришдаги аҳамиятини қайд этдилар.

Тадбир доирасида Турк дунёси мамлакатларининг мусиқа ва рақс жамоалари иштирокида кенг концерт дастури намойиш этилди ҳамда турли халқларнинг бой маданий мероси намоён этилди.

Озарбайжон делегациясининг ушбу тадбирдаги иштироки мамлакатимизнинг Турк дунёси билан маданий алоқаларни янада чуқурлаштириш, умумий меросни асраб-авайлаш ҳамда халқаро гуманитар ҳамкорликни ривожлантиришга қўшаётган навбатдаги муҳим ҳиссаси сифатида баҳоланмоқда.