Хабарлар тезкор Телеграм каналимизда Обуна бўлиш ×

Рэмбони Сталлоне ўрнида қайси актёрлар ўйнаган бўларди?

Рэмбони Сталлоне ўрнида қайси актёрлар ўйнаган бўларди?

Сильвестр Сталлоне. «Рэмбо: Биринчи қон» (1982 й.) фильмидан кадр.

Сильвестр Сталлоне «Рэмбо: Биринчи қон» жангари фильмидаги бош роль учун Ҳолливуднинг қайси актёрлари даъвогар бўлганини «The Hollywood Reporter»га берган интервьюсида маълум қилди.

Унинг айтишича, аввалига Рэмбо ролини Поль Ньюманга топширмоқчи бўлишган. Қолган актёрлар ҳам чаканамас: Аль Пачино, Роберт Де Ниро, Жеймс Гарнер, Райан О'Нил, Стив Маккуин ва ҳатто Дастин Ҳоффман ҳам бор эди. Аммо охир-оқибат «тегирмонга тушса бутун чиқувчи қаҳрамон» бўлиш Сталлонега насиб этди.

Ўша пайтда 35 ёшда бўлган Сильвестр Сталлоне «Рэмбо: Биринчи қон» фильми бош оператори Эдрю Ласло билан. Фото: AF archive/Alamy Stock Photo

Ҳозир 73 ёшини қаршилаган Сталлоне, тўғриси, аввалига фильмнинг муваффақият қозонишига ишонмаган экан.

Маълумот учун: Фильмнинг биринчи қисми —«Рэмбо: Биринчи қон» 1982 йили экранларга чиққан. 15 млн. долларлик бюджет билан жаҳон прокатидан 125,2 млн. доллар ишлаган. Буни бугунги мезонларда ўлчасак, кўрсаткичлар нисбати 43 млн. долларга 332 млн. доллар атрофида бўлади, дея аниқлик киритган нашр.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг