Хабарлар тезкор Телеграм каналимизда Обуна бўлиш ×

Европа Иттифоқи Украина импортига божни бекор қилди

Европа Иттифоқи Украина импортига божни бекор қилди

Фото: Trademaster.ua

Европа Иттифоқи кенгаши Украинадан молларни импорт божларисиз киритиш имконини берувчи қарорни қабул қилди.

Йил давомида Украинанинг барча товарлари ЕИ ҳудудига божсиз киритилишига рухсат берилади. Украина ЕИга асосан ёғоч, кунгабоқар ёғи ва дон экспорт қилади.

Қарордан мақсад «Украина иқтисодиётини имкон қадар қўллаб-қувватлаш» экани таъкидланган.

Маълумотларга кўра, Россия қўшин олиб кирганидан бери (қарийб 90 кун бўлди), Украинадан 20 млн тонна дон олиб чиқилган. Украина омборларида яна 20-25 млн тонна атрофида дон сақланмоқда.

ЕИ ва АҚШ Украинада қолган донни очарчилик хавф солаётган мамлакатларга ёрдам сифатида жўнатишмоқчи. Қолаверса, омборларни янги мавсум ҳосили учун бўшатиш керак.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг