Nokian Tyres, Michelin... Автошина ишлаб чиқарувчилари Россияни тарк этмоқда
Nokian Tyres (Финляндия) шиналар ишлаб чиқарувчиси Украинадаги вазият ва Россияга қўлланган санкциялар туфайли Россияни тарк этишга қарор қилди. Бу ҳақда компания сайтида маълум қилинди.
Компания баёнотида кетиш «назоратли» бўлиши айтилган, яъни компания буёғига АҚШ ва Финляндиядаги заводларини кучайтиришни режалаштирган.
«Коммерсант» ёзишича, Россиядаги бизнеси фин компаниясининг энг йирик активи эди, рус бозорини тарк этиш 300 млн еврогача йўқотишни англатади. Nokian Tyres компаниянинг Россиядаги заводларида 1,6 минг нафар ишчи меҳнат қилган.
Бугун шиналар ишлаб чиқарувчи яна бир бренд — Michelin (Франция) ҳам Россиядан чиқиб кетишини, бу ердаги активларини маҳаллий менежментга топширишини эълон қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter