Биринчидан, Бэйл «Бавария»га қарши ўйнашни истамади. Иккинчидан, у кетишини «Реал» хоҳлаяпти, мен эмас — Зидан
«Реал» бош мураббийи Зинедин Зидан жамоа ҳужумчиси Гарет Бэйл билан юзага келаётган ҳолат борасида гапирди ва футболчининг агентига жавоб қайтарди. Эслатиб ўтамиз, у яқинда Гарет Бэйл жамоадан кетиши ҳақида фикр билдирган эди.
«Биринчидан, мен ҳеч кимга ҳурматсизлик қилмадим. Айниқса ўйинчиларга, чунки мен ҳар доим айтаман: «Ўйинчилар – энг муҳими ва мен ҳар доим улар томондаман».
Иккинчидан, мен айтгандим, у билан клуб хайрлашмоқчи [мен эмас]. Нуқта.
Учинчидан, Гарет ўша куни ўзи истамагани учун [«Бавария»га қарши] ўйнамади. У клуб трансфер борасида ишлаётгани, шу сабаб ўйнашни истамаслигини айтди. Ҳозирча у эртага бўладиган ўйин ҳақида гапирмади.
Бугун ҳеч нима ўзгармади. У шуғулланишда давом этади, клуб эса нима қилиши керак бўлса қилади. Кўрамиз, эртага нима бўлар экан», – дейди Зидан.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter