Хабарлар тезкор Телеграм каналимизда Обуна бўлиш ×

Дунёнинг энг қиммат футболчисида ковид аниқланди

Дунёнинг энг қиммат футболчисида ковид аниқланди

Фото: «Yandex.ru»

ПСЖ ва Франция терма жамоаси ҳужумчиси Килиан Мбаппе коронавирусни юқтириб олди. Бу ҳақда мамлакат футбол федерацияси сайтида хабар берилган.

Таъкидланишича, 21 ёшли спортчининг 7 сентябрь куни эрталаб COVID-19га топширган тест натижаси мусбат чиққан. Кундузи тест натижаларини билмай туриб миллий термадаги жамоадошлари билан бирга машғулот ўтаган.

Форвард терма жамоа қароргоҳини тарк этди. У Миллатлар лигаси мусобақасининг хорватларга қарши бўлиб ўтадиган ўйинида иштирок этмайди.

Таъкидлаш керакки, Мбаппе COVID-19ни юқтирган ПСЖнинг еттинчи ўйинчисига айланди. Бунгача бразилиялик ҳужумчи Неймар ва аргентиналик Анхель Ди Марияда ҳам коронавирус аниқланганди.

Эслатиб ўтамиз, «Transfermarkt.de» портали версиясига кўра, Мбаппе дунёнинг энг қиммат футболчиси ҳисобланади. Французнинг трансфер қиймати 180 миллион еврога баҳоланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг