ХХI асрнинг энг яхши спортчиси номи эълон қилинди
![ХХI асрнинг энг яхши спортчиси номи эълон қилинди](http://static.xabar.uz/crop/4/1/920__95_4134692370.jpeg)
Америкалик сузувчи Майкл Фелпс ESPN талқинига кўра ХХI асрнинг энг яхши спортчиси деб топилди.
Иккинчи ўринда америкалик теннисчи Серена Уилямс, кучли учликни аргентиналик футболчи Лионел Месси якунлаб турибди.
Португалия терма жамоаси ва Саудия Арабистонининг "Ал-Наср" клуби футболчиси Криштиану Роналду 13-ўринни эгаллади.
Майкл Фелпс 23 карра Олимпиада чемпиони. У 2016 йилда Рио-де-Жанейрода бўлиб ўтган Олимпиададаги сўнгги медалини қўлга киритди.
Фелпс 15 ёшу 9 ойлигида сузиш бўйича жаҳон рекордини ўрнатган энг ёш одамга айланди. Кейин у 200 метрга баттерфлай усулида рекорд ўрнатди.
Фелпс, шунингдек, 2001-2010 йилларда индивидуал мусобақалар ва эстафеталарда 50 карра АҚШ чемпиони саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter