Xonanda oilaviy janjal sabab xotinini o‘ldirishda gumonlanmoqda
23-mart kuni soat 01:55 atrofida Rishton tumanida yashovchi 36 yoshli D. D. (xonandalik bilan shug‘ullangan) o‘zi bilan rasmiy nikohdan o‘tmagan holda yashab yurgan 31 yoshli ayol M. B.ning hayotiga zomin bo‘lgan. Bu haqda Bosh prokuraturasi matbuot xizmati xabar bermoqda.
Aytilishicha, oilaviy janjal oqibatida erkak oshxona pichog‘i bilan ayolga bir necha marta pichoq urgan. Natijada marhuma olgan tan jarohatlari tufayli voqea joyida vafot etgan.
Mazkur holat yuzasidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter