Xalqaro qidiruvga berilgan o‘zbekistonlik qo‘lga olindi
Xalqaro qidiruvga berilgan o‘zbekistonlik fuqaro Qozog‘istonning Oqto‘ba viloyatida qo‘lga olindi.
Politsiya ma’lumot berishicha, qidiruvdagi shaxs Oqto‘ba viloyatining «Jaysan» temiryo‘l o‘tish punktida ushlangan. U giyohvandlik moddalarini noqonuniy olib o‘tganligi uchun Moldova IIV Interpol milliy markaziy byurosi tomonidan qidiruvga berilgani aytilmoqda.
«Gumonlanuvchi 2013-yilda boshqa shaxslar bilan birgalikda narkotik moddalarni xalqaro yetkazib berishni tashkil qilgan. U Moldovaga kirmoqchi bo‘lganida yonidan 46 gramm geroin chiqqan», — deyiladi politsiya bayonotida.
Qo‘lga olingan shaxs vaqtincha saqlash izolyatorida ushlab turilibdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas