O‘zbekistonda ichimlik suvi ultrabinafsha nurlar bilan zararsizlantirilishi mumkin
2021 yilning 25 fevral kuni «O‘zsuvta’minot» AJ boshqaruvi raisi Sohib Saifnazarov Rossiyaning «LIT» ilmiy-ishlab chiqarish birlashmasi vakillari bilan muzokara o‘tkazdi.
Uchrashuvda O‘zbekiston sharoitida suv va havoni turli virus va bakteriyalardan zararsizlantirishda zamonaviy texnologiyalar, shu jumladan, ultrabinafsha nurlardan foydalanish imkoniyatlari ko‘rib chiqilgan.
«LIT» IIChB shunday uskunalarni ishlab chiqarish bo‘yicha yetakchi kompaniyalardan biri hisoblanadi.
Ultrabinafsha zararsizlantirish – ultrabinafsha nurlarining mikroorganizmlarga ta’sir ko‘rsatishiga asoslangan fizik usuldir. Ultrabinafsha nurlanish turli virus, bakteriya va boshqa zararkunandalarning DNKlari tarkibini buzib tashlaydi, hujayralar bo‘linishining oldini oladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter