Toshkentdagi «Izza» qurilish bozorida yong‘in ro‘y berdi. 

21-fevral soat Toshkent shahar, Uchtepa tumani, Qovunchi ko‘chasida joylashgan qurilish maxsulotlari sotish bozorida yong‘in solir bo‘lganligi to‘g‘risida Toshkent shahar FVBBga xabar kelib tushgan.

Yong‘in oqibatida tan jarohati olgan fuqarolar bo‘yicha ma’lumot kelib tushmagan.

Yong‘in joyiga Favqulodda vaziyatlar vaziri Azizbek Ikramov yetib borgan. 

Yong‘in natijasida bozor hududidagi 200 kv.m maydonda joylashgan rom va eshik mahsulotlari yonib zararlangan. Qutqaruvchilarning yong‘inni tezkorlik bilan bartaraf etishi natijasida bozorning 2000 kv.m maydoni saqlab qolindi. 

Ta’kidlash joizki, joriy yilning 16-fevral kuni mazkur bozor Davlat yong‘in nazorati organi tomonidan tegishli tartibda tekshiruvdan o‘tkazilgan. Tekshiruv davomida yong‘in xavfsizligi qoidalarining bir qator buzilish holatlari aniqlangani sababli, kamchiliklar bartaraf etilguniga qadar bozorning ish faoliyati to‘xtatilib, 3 kun muddatga elektr ta’minotidan uzilgan. 

Bozor ma’muriyati tuman Favqulodda vaziyatlar bo‘limiga aniqlangan barcha kamchiliklarni bartaraf etish yuzasidan kafolat xati taqdim etgan. Biroq, afsuski, ushbu qoidabuzarliklar o‘z vaqtida to‘liq bartaraf etilmagani oqibatida yong‘in kelib chiqqan.