Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Anvar Namozov

Dunyoda tasodif yo‘q, bu so‘zlarni o‘qiyotganingiz ham tasodif emas!

O‘zbek yozuvchilari tushkunlikni qanday bartaraf etadilar?

O‘zbek yozuvchilari tushkunlikni qanday bartaraf etadilar?

Yozuvchi Xurshid Do‘stmuhammad.

Foto:«Xabar.uz»

Keyingi vaqtlarda e’tibor bersam, juda ko‘plab odamlar xo‘mraygan, badqovoq bo‘lib ketishyapti. Siz ham atrofingizga bir qarang. Aksariyat kishilar qandaydir tajang, norozi. To‘g‘ri, har kimning muammosi o‘ziga ayon. Tashvishsiz odamning o‘zi yo‘q, bo‘lmaydi ham. Ammo gap muammoni qay darajada qabul qilishda emasmi? Odamning tashvish-yuklamalarni yuragiga olib, g‘am-anduh chekish sog‘lig‘iga koni ziyon-ku! Kamiga u atrofga ham norozi boqadi, yonidagilarga zahrini sochadi. Muammolarni bartaraf etish o‘rniga o‘z yog‘iga battar qovuriladi. Unutmang, tushkunlik ado qiladi, ichingizni kemiradi. Keyin esa yana bir tashvish – kasallik keltiradi. Tushkunlik bor joyda samimiylik aslo bo‘lmaydi. Keyingi paytlarda dilkashlikning yo‘qolib ketayotgani sababi ham shunda.

Xo‘sh, millatimiz ziyoli ahlining peshqadamlari bo‘lmish yozuvchilar tushkunlikni qanday bartaraf etadilar?

Xurshid Do‘stmuhammad, «Bozor», «Oromkursi», «So‘roq», «Sof o‘zbekcha qotillik» va boshqa ko‘plab asarlar muallifi: – Tushkunlik, umidsizlik hammaga tanish tuyg‘u. Chunki u hech kimni ­– kimligidan qat’i nazar ­– chetlab o‘tmaydi. Ayab o‘tirmaydi ham. Hamma gap unga munosabatda, uni qanday qabul qilishda