Mayk Tayson va Jeyk Pol o‘rtasidagi jang yakunlandi
Arlington (AQSh, Texas shtati)da hozirgina superog‘ir vazn toifasi afsonasi 58 yoshli Mayk Tayson va 27 yoshli bokschi-bloger, shoumen va promouter Jeyk Pol o‘rtasidagi jang yakuniga yetdi.
Har biri ikki daqiqali jami sakkiz raundli formatdagi jangda raqiblar katta qo‘lqoplarda ringga ko‘tarilishdi. Jang to‘liq sakkiz raund davom etdi va unda nisbatan ancha yosh va chaqqon Jeyk Polning ustunligi yaqqol sezilib turdi. Va yakunda aynan u ochkolar hisobiga ko‘ra g‘alaba qozondi.
Ushbu jang BoxRec.com statistikasiga kiritiladi. Shu tarzda bu «Temir Mayk» uchun qariyb 20 yildagi ilk rasmiy jang bo‘ldi. Endi uning statistikasi quyidagicha: 59 jang — 50 g‘alaba (44 tasi nokautli), 7 mag‘lubiyat, yana ikki jangi bo‘lib o‘tmagan deya hisoblangan. Jeyk Pol hisobida esa 11 g‘alaba va 1 mag‘lubiyat bor.
Mukofot pullari jang natijasidan qat’i nazar oldindan ma’lum edi: Jeyk Pol — 40 mln dollar, Mayk Tayson — 20 mln dollar oladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter