Пентагон коронавирусга қарши: 200 мингдан зиёд инсон касалланди
АҚШ қуролли кучларида COVID-19 га чалинган хизматчилар сони 200 минг нафардан ошди.
Шундан 130 минг нафари — ҳарбий хизматчилар, 38 минг нафари — фуқаролардан жалб этилган мутахассислар, 21 минг нафари — оила аъзолари, 12 минг нафари — пудратчи-компаниялар вакиллари, дейилади Пентагон тақдим этган ҳисоботда.
Ҳарбийлар орасида касалланиш энг кўп қуруқлик қўшинларида — 46 минг нафар, иккинчи ўринда флот — 27 минг нафар. Ҳарбий-ҳаво кучларининг 23 минг, денгиз пиёдалари ва миллий гвардиянинг 16 минг нафардан хизматчисига коронавирус ташхиси қўйилган.
Қурбонлар — 218 киши, уларнинг кўпчилиги фуқаролар орасидан — 144 нафар.
Сўнгги маълумотларга кўра, АҚШда бир суткада 178 минг нафар янги бемор аниқланиб, пандемия даврида коронавирусни юқтириш ҳолатлари жами сони 24 миллиондан ошган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter