Ҳимолай тоғларида 14 алпинист бедарак йўқолди
Ҳимолай тоғларининг Ҳимлунг Ҳимал минтақасида юз берган кўчкидан сўнг камида 14 нафар непаллик алпинист бедарак йўқолди. Бу ҳақда Kathmandu Post нашри саёҳатни ташкил этган компанияга таяниб хабар берди.
Ёмон об-ҳаво ҳозирда вертолётларнинг 7100 метр баландликдаги тоғ чўққисига чиқишига тўсқинлик қилмоқда. Вертолётлар Катманду ва Покхарада тайёр ҳолатда, аммо улар жўнаб кета олмайди.
Himalayan Holidays Trekking сайёҳлик агентлиги раҳбари Бибҳути Чанд Тҳакурнинг сўзларига кўра, гуруҳнинг 22 аъзосидан саккизтаси билан алоқа ўрнатилди.
Алпинизм машғулотларида икки гуруҳ иштирок этаётган эди. Гидлар ва ёрдамчи ходимлардан иборат непаллик жамоа хорижий гуруҳдан олдин жўнаб кетди. Уларга лагерни тайёрлаш, йўналишни тозалаш ва арқонларни ўрнатиш вазифаси юклатилган эди.
Хорижий алпинистлар беш-олти кун ичида етиб келиши кутилган эди. Биринчи гуруҳ билан алоқа бугун эрталаб узилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter