Жанубий Корея Украинадаги элчихонасининг айрим ходимларини мамлакатга қайтаришга қарор қилди. Бунга икки давлат ўртасида шимолий кореялик ҳарбий асирлар сабаб юзага келган дипломатик можаро туртки бўлган.

Yonhap агентлигининг ёзишича, Зеленский 23 сентябр куни БМТдаги нутқида Россия томонида жанг қилиб асирга тушган икки нафар Шимолий Корея ҳарбийсини Жанубий Кореяга топширганини ошкор қилган.

Сеул эса бу маълумот махфий сақланиши бўйича келишув бўлганини билдириб, Киевдан расмий узр сўрашни талаб қилган. Украина эса бундай келишув мавжудлигини рад этмоқда.

Жанубий Корея 8 октябрда Украинадаги элчисини чақириб олган эди. Энди элчихонанинг яна бир қисм ходимлари қайтарилмоқда.

Сеул Украинанинг можарони ҳал қилиш бўйича етарли чора кўрмагани сабаб бу қарорга келинганини билдирди. Шунингдек, Россия ҳаво ҳужумлари хавфи ҳам сабаб сифатида кўрсатиб ўтилган.

Қайд этилишича, элчихона тўлиқ ёпилмайди. Консуллик ходимлари Украинада фаолиятини давом эттиради.