Папуа-Янги Гвинеяда кўчки қурбонлари сони 300 нафардан ошди
Папуа-Янги Гвинея шимолида юз берган кўчки қурбонлари сони 300 нафардан ошди, дея хабар берди Papua New Guinea Post Courier газетаси.
Мамлакат пойтахти Порт-Морсбидан 600 км олисда жойлашган Энга провинциясидаги Каокалам қишлоғида 24 май куни маҳаллий вақт билан соат 3:00 лар атрофида тупроқ ва тошлар ўпирилиши содир бўлган. Кўчки оқибатида 1182 та уй вайрон бўлган.
Reuters Австралия ташқи ишлар ва савдо вазирлигига асосланиб ёзишича, кўчкидан камида олтита қишлоқ жабр кўрган. Кўчки катта йўлни тўсиб қўйгани учун қидирув-қутқарув ишлари қийинлашган, ҳодиса жойига фақат вертолётларда бориш мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter