Қозоғистон ҳарбий денгиз кучларининг собиқ бош қўмондони Канат Ниязбеков ҳибсга олинди. Бу Каспий денгизидаги машқлар пайтида ҳарбий хизматчиларнинг ўлими билан боғлиқ.

Қозоғистон президенти Қасим-Жомарт Тоқаев уни ўтган ҳафта лавозимидан озод қилганди.

​«Каспий мудофааси 2026» машқлари Каспий денгизининг Қозоғистон секторида 22 сентябрь куни бошланди. Унда 500 дан ортиқ ҳарбий хизматчи иштирок этди. 24 сентябрь куни ҳарбий машқлар давомида об-ҳавонинг кескин ёмонлашиши туфайли 17 нафар қозоғистонлик ҳарбий хизматчи денгизда бахтсиз ҳодисага учради. Улардан фақат учтаси қутқарилди.

​Канат Ниязбеков ҳодисани об-ҳаво шароити ва тўлқинларнинг күчайиши билан боғлади.

Бундай машқларни ўтказишда ушбу омиллар ҳисобга олинганми ёки йўқми деган саволга у «Умуман олганда, ҳисобга олинади» деб жавоб берди.

​Қосим-Жўмарт Тўқаев барча айбдорларни жавобгарликка тортишни талаб қилди. Беш нафар амалдор аллақачон ҳибсга олинган ва Қозоғистон Мудофаа вазирлигини текшираётган комиссия машқларни тайёрлаш ва режалаштиришда қоидабузарликларни аниқлади.