АҚШ раҳбари Доналд Трамп Венесуэла президенти Николас Мадурони қўлга олиш операциясини амалга оширишдан олдин Grok сунъий интеллект тармоғи билан маслаҳатлашган. Бу ҳақда Time ўз манбасига таяниб хабар берди.

Манба Трампнинг сунъий интеллект билан суҳбати пайтида  иштирок этгани айтилмоқда.

​Нашрнинг хабар беришича, президентнинг сунъий интеллект билан суҳбати 2025 йил декабрь ойида Оқ уйда бўлиб ўтган. Grok яратувчиси Илон Маск ўша ерда бўлган деб тахмин қилинмоқда.

​Time хабар беришича, Америка президенти ўзининг турли президентлик қарорларини сунъий интеллект билан муҳокама қилган. Якуний савол: «Агар венесуэлаликлар ўз президенти АҚШ томонидан қўлга олинса, бунга қандай муносабатда бўлишади?» эди. Time манбасига кўра, Grok Венесуэла халқи «хурсанд бўлишини» айтган.

​АҚШ махсус кучлари бўлинмаси 3 январь куни Николас Мадуро ва унинг рафиқасини қўлга олиб, мамлакатдан олиб чиқиб кетди. АҚШ расмийлари уларни гиёҳванд моддалар савдоси ва терроризмга алоқадорликда айблади.