АҚШ президенти Доналд Трамп Лос-Анжелес ёки Сан-Диегонинг вайрон бўлиши мамлакат хавфсизлиги учун «кичик нарх» бўлиши мумкинлигини айтди. Америка раҳбарининг сўзлари Калифорния ва Лос-Анжелес расмийларининг танқидига сабаб бўлди.

Mediaite нашри хабар беришича, АҚШ президенти Доналд Трамп Небраскадаги митингда Лос-Анжелес ёки Сан-Диегонинг вайрон бўлиши мамлакат хавфсизлиги учун «кичик нарх» бўлиши мумкинлигини айтди.

«Бу дунё ва мамлакатимизни хавфсиз сақлаш учун тўланадиган кичик нарх. Улар шаҳарни вайрон қилишлари мумкин. Лос-Анжелесни вайрон қилишсин. Сан-Диегони вайрон қилишсин. Бу жуда кичик нарх ва барчаси тез орада тугайди», деди Дональд Трамп.

Икки шаҳарнинг вайрон бўлиши мумкинлиги ҳақида гапиргандан сўнг, митингда иштирок этганлар қарсак чала бошладилар. Mediaite нутқдан Доналд Трамп икки шаҳар вайрон бўлиши мумкин бўлган гипотетик сценарийни тақдим этганми ёки бу содир бўлишини назарда тутганми, аниқ эмаслигини таъкидлайди.

Бу баёнот Эрон билан урушнинг оқибатлари ва бензин нархларининг ошиши муҳокамаси пайтида янгради. Доналд Трамп можаро тез орада тугаши мумкинлигини айтди.

Калифорния губернатори X ижтимоий медиа платформасида у АҚШ президенти хорижий рақибларни Лос-Анжелес ва Сан-Диегони «вайрон қилишга» чақираётганини айтди. Губернатор Доналд Трампни «ақлдан озган ва хавфли» деб қўшимча қилди. Лос-Анжелес мэри Карен Басс ҳам X'да президентнинг вазифаси америкаликларга ҳужум қилиш билан таҳдид қилиш ёки уларни рағбатлантириш эмас, балки мамлакатни ҳимоя қилиш эканини айтди.