Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Сквер» тўсилган: номаълум машина катта тезликда майдонни айланмоқда (видео)

«Сквер» тўсилган: номаълум машина катта тезликда майдонни айланмоқда (видео)

Бугун ижтимоий тармоқларда номаълум машина Тошкентдаги Амир Темур хиёбонини катта тезликда айланиб юргани акс этган видео тарқалиб кетди.

Хиёбонга олиб чиқадиган барча кўчалар ички ишлар органлари томонидан тўсилган, хавфсизлик учун пиёдалар ўтказилмаяпти. Бундай катта тезликда машина ҳайдаётган одам кимлиги ҳозирча маълум эмас.

Лекин тахминлар бор. Эсингизда бўлса, россиялик автоблогер Эрик Давидич Тошкентда тест-драйв ўтказишни режа қилганди. Бунинг учун Шавкат Мирзиёевнинг кичик куёви, Президент хавфсизлик хизмати бошлиғи ўринбосари Отабек Умаров унга премиум-классдаги «Mercedes AMG GT 4», «BRABUS Maybach 900» ва «Bentley» автомобилларини таклиф қилганди.

Тахминларга кўра, автоблогер Тошкентда тест-драйвни бошлаб юборган кўринади. Ички ишлар ходимларининг кўчани ёпиб қўйишгани ҳам қайсидир маънода бу тахминни тасдиқлайди.

Маълумот учун, Давидич — таниқли видеоблогер бўлиб, унинг «YouTube»даги роликлари миллион марталаб кўрилади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг