Хабарлар тезкор Телеграм каналимизда Обуна бўлиш ×

Катта Фарғона каналига чўкиб кетган боланинг жасади топилди

Катта Фарғона каналига чўкиб кетган боланинг жасади топилди

Фото: ЎзА

Фарғона вилояти Ўзбекистон туманининг «Беруний» маҳалла фуқаролар йиғинида яшаган 13 ёшли Умиджон Абдусатторов 5 март куни эҳтиётсизлик оқибатида шу ҳудуддан оқиб ўтувчи Катта Фарғона каналига чўкиб кетгани хабар қилинганди.

ЎзА хабарига кўра, 22-умумтаълим мактабининг 6-синф ўқувчиси бўлган бола шу ерда жойлашган байдарка ва каноэда эшкак эшиш базаси машғулотларига қатнашган.

Ҳодиса жойида қидирув ишлари олиб борилиб, бугун, 8 март куни унинг жонсиз танаси Фарғона вилояти Фавқулодда вазиятлар бошқармасининг махсус минтақавий қидирув-қутқарув отряди ғаввослари томонидан ҳодиса содир бўлган жойдан 1 200 метр узоқликда 2 метр чуқурликдан топилди.

Ҳозирда унга нисбатан белгиланган тартибда суд-тиббий экспертизаси тайинланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг