Водийда доллар айирбошлаётганлар қўлга олинди
Бош прокуратура ҳузуридаги Департаментнинг Асака туман бўлими томонидан тезкор тадбир ўтказилган.
Унда валюта қимматликларини айирбошлаш билан шуғулланиб келган А.Н. жами 3 500 АҚШ долларини фуқаро А.Д.га 39,9 млн сўмга сотган вақтида ашёвий далилар билан ушланган.
Шу каби, Янгиқўрғон туманида валюта айирбошлаш билан шуғулланувчи О.О. жами 3 400 АҚШ долларини фуқаро С.Э.га 38,7 млн сўмга сотган вақтида департамент ва ИИБ ходимлари томонидан ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter