Бугун, 24 декабрь куни Олий Мажлис Сенати Кенгашининг мажлиси бўлиб ўтди. Унда Ўзбекистон Республикаси Марказий банки бошқаруви таркибига ўзгартиришлар киритиш тўғрисидаги масала ҳам кўриб чиқилди.

Ўзбекистон Республикаси Марказий банки раисининг 2019 йил 9 декабрдаги тақдимномасига биноан «Ўзбекистон Республикасининг Марказий банки тўғрисида»ги Қонуннинг 19-моддасига мувофиқ Ўзбекистон Республикаси Олий Мажлиси Сенатининг Кенгаши Марказий Банк бошқарув таркибига ўзгартиришлар киритишни тасдқилади.

Жумладан:

• Ўзбекистон Республикаси Марказий банкининг ижро аппарати раҳбари Олимжон Эрназаров ва Кредит ташкилотлари пруденциал назорати департаменти директори Аброрхўжа Турдиалиев Ўзбекистон Республикаси Марказий банки бошқарувининг таркибидан чиқарилди.
• Ўзбекистон Республикаси Вазирлар Маҳкамаси ҳузуридаги мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси директори вазифасини бажарувчи Адхам Бекмуродов ва Тошкент шаҳридаги Вестминстер университети амалий математика бўйича магистратура курси раҳбари Зиёдулло Парпиев Ўзбекистон Республикаси Марказий банки бошқарувининг мустақил аъзолари этиб тасдиқланди.