Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Ўзмиллийбанк» Навоий вилоятидаги бир қатор лойиҳаларда иштирок этмоқда

«Ўзмиллийбанк» Навоий вилоятидаги бир қатор лойиҳаларда иштирок этмоқда

Ўтган ҳафта «Ўзмиллийбанк» АЖ томонидан ОАВ вакиллари учун Навоий вилоятига пресс-тур ташкил этилди. Журналистлар сафар давомида Навоий шаҳри Кармана тумани «Ёшлик» МФЙ манзилида жойлашган ўқув маркази бўлдилар.

«Karmana Profstroy» МЧЖ га қарашли ўқув маркази фаолияти «Ўзмиллийбанк» АЖ билан ҳамкорликда йўлга қўйилган бўлиб, лойиҳанинг умумий қиймати 1 млрд. 120 млн. сўмни ташкил этади. Шундан Банк томонидан ажратилган 920 млн. сўм миқдоридаги кредит маблағи эвазига ўқув жараёнини самарали ташкил қилиш мақсадида зарур жиҳозлар сотиб олинган.



Шундан сўнг Пресс-тур иштирокчилари Навоий вилояти, Қизилтепа шаҳри, «Ўзбекистон» МФЙ манзилида жойлашган «Bo`ston Gumbazi» МЧЖ га қарашли меҳмонхона фаолияти билан танишдилар.

Аҳолига сифатли меҳмонхона хизматларини кўрсатиб келаётган ушбу маскан лойиҳасининг умумий қиймати 1 млрд. 195 млн. сўмни ташкил этади. Шундан «Ўзмиллийбанк» АЖ томонидан ажратилган кредит суммаси 500 млн. сўмни ташкил этади. Бугунги кунда мазкур меҳмонхонада 5 нафар фуқаро иш билан таъминланган.

Навбатдаги манзил Навоий вилояти, Зарафшон тумани, «Наврўз» МФЙ манзилида жойлашган нон ва нон маҳсулотларини ишлаб чиқариш фаолияти билан шуғулланувчи корхона бўлди.

«Premium Service Zarafshan» МЧЖ га қарашли мазкур корхона лойиҳасининг умумий суммаси 639 млн. сўмни ташкил этади. Шундан «Ёшлар - келажагимиз» жамғармаси маблағлари ҳисобидан 439 млн. сўм кредит суммаси ажратилган.

Бугунги кунда мазкур корхонада 10 га яқин фуқаро иш билан таъминланган бўлиб, корхона йилига 100 млн. сўмлик нон ва нон маҳсулотларини ишлаб чиқариш қувватига эга.



Навбатдаги манзил вилоятнинг Учқудуқ туманида жойлашган «Shaxzodbek Platinum Plus» МЧЖ бўлди. Мазкур корхона «Ўзмиллийбанк» АЖ билан ҳамкорлик қилган ҳолда бугунги кунда шаҳар аҳолиси ва меҳмонларга хизмат қилиб келаётган супермаркет фаолиятини йўлга қўйган.



«Shaxzodbek Platinum Plus» МЧЖ ўз ичида қандолатчилик, маиший техникалар, озиқ-овқат ва ноозиқ-овқат савдо дўконларини жамлаган маиший хизмат кўрсатиш комплексини ташкил этиш мақсадида «Ўзмиллийбанк» АЖ 2 млрд. сўм миқдоридаги кредит маблағини расмийлаштирган. Бугунги кунда мазкур супермаркетда 30 га яқин фуқаро иш билан таъминланган.

Шундан сўнг Пресс-тур иштирокчилари вилоятнинг Учқудуқ тумани «Алишер Навоий» МФЙ манзилида жойлашган тиббий диагностика маркази билан танишдилар.


Бугунги кунда «Panterra Black» МЧЖ га қарашли мазкур муассасада 5 нафар малакали мутаҳассис иш билан таъминланган. Аҳолига сифатли тиббий диагностика хизматини кўрсатиб келаётган марказга «Ўзмиллийбанк» АЖ томонидан 500 млн. сўм миқдорида кредит маблағлари ажратилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг