Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Танзила Норбоева: «Ҳамма ўз ҳолича ишлайди, бизни касалимиз шунда!»

 Танзила Норбоева: «Ҳамма ўз ҳолича ишлайди, бизни касалимиз шунда!»

Фото: Олий Мажлис Сенати ахборот хизмати

Олий Мажлис Сенатининг иккинчи ялпи мажлисида сенаторлар Ички ишлар вазирлигининг ҳуқуқбузарликларнинг олдини олиш ва уларнинг профилактик ҳолати тўғрисидаги 2019 йил якуни бўйича ахборотини танқидий-таҳлилий муҳокама қилишди.

«Xabar.uz» мухбирининг маълум қилишича, Сенат раиси болалар жиноятчилигидаги ишларга ўзининг танқидий фикрларини билдириб ўтган.

«Болалар жиноятчилигининг оқибатлари билан ишлаш эмас, шу кунгача бўлган ҳуқуқбузарликларни таҳлил қилиш, бу соҳада нафақат болалар, балки уларнинг ота-оналари билан ишлаш керак.

Бу ерда психологларнинг жалб қилинмаётганлиги сабаб бўляпти. Умуман, ҳамма ўз ҳолича ишлайди, бизни касалимиз шунда. Тизимлар кўп, моддий қўллаб-қувватлаш бор, ҳамма ҳаракатлар давлат томонидан қилиб берилган, лекин пастда уюшиб профилактик ишларни қилмаганлигимиз камчиликларни келтириб чиқаряпти», дея айтиб ўтган Танзила Нарбоева.

Шунингдек, Сенат раиси вазирлик томонидан аёлларга ҳимоя ордери беришдаги сусткашликка ҳам тўхталиб ўтди.

«Хотин-қизларни тазйиқ ва зўравонликдан ҳимоя қилиш тўғрисида»ги қонун қабул қилинганидан кейин ҳимоя ордери бериш бўйича низом қарийб олти ой ўтиб қабул қилинди. Бу қонунни ярим йил ишламаслигига сабаб бўлди. Иккинчидан, вазирлик бу бўйича етарлича тарғибот-ташвиқот ишларини яхши йўлга қўймади», дея танқид қилди Т.Норбоева. 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг