Хабарлар тезкор Телеграм каналимизда Обуна бўлиш ×

Янги йилдаги «биринчи» ўғриликка барҳам берилди

Янги йилдаги «биринчи» ўғриликка барҳам берилди

Фото: Миллий гвардия

Юртимиз бўйлаб байрамона кайфият ҳукм сурмоқда. Аммо шунга қарамай, айрим ғайриқонуний хатти-ҳаракатлар ҳамон давом этмоқда.

Жумладан, 2021 йилнинг 1 январь куни тонгги соат 05:06 ларда Тошкент шаҳар, Юнусобод тумани, 11-мавзе, 56-А уйда жойлашган «Хавас Фуд-009» МЧЖга қарашли озиқ-овқат дўконидан Тошкент шаҳар Қўриқлаш бошқармаси мониторинг марказига «ташвиш» хабари келиб тушган.

Хабар зудлик билан Юнусобод тумани 2-сонли тезкор ҳаракатланувчи гуруҳ ходимларига етказилган. Воқеа жойига етиб борган ходимлар ноъмалум шахс озиқ-овқат дўконининг кириш эшиги ойнасини синдириб, ичкарига кирганига гувоҳ бўлган. Тезкор ҳаракатланувчи гуруҳ ходимлари шахсни қўлга олиб, Юнусобод туманидаги 5-сонли ИИБга топширган.

Миллий гвардия Тошкент шаҳар бошқармаси матбуот хизмати хабарига кўра, дастлабки суриштирув натижасида ушбу номаълум шахснинг шахси аниқланиб, ҳозирда ҳолат юзасидан суриштирув ишлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг