Месси мундиалда махсус бутсада ўйнайди
Аргентина терма жамоаси ҳужумчиси Лионель Месси эртага Қатарда бошланадиган жаҳон чемпионатида махсус бутсада ўйнайди.
Етти карра «Олтин тўп» соҳиби жаҳон чемпионати олдидан олтинрангли бутсани намойиш қилди.
Ушбу бутса олтин рангда қилинганидан ташқари, унда 10 рақам ҳам сингдириб юборилган. Бу ранг Қатарда қадрланиши ҳам айтилмоқда.
Бутсанинг бу моделига The Adidas X Messi 2022 World Cup Speedportal, деб ном берилди.
Эслатиб ўтамиз, Аргентина терма жамоаси жаҳон чемпионатининг гуруҳ босқичида Саудия Арабистони, Мексика ва Польша билан баҳс олиб боради. Дастлабки ўйинини сешанба куни арабларга қарши ўтказади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter