Исроил 1,8 миллион долларлик вакцинани йўқ қилмоқчи
Исроил умумий қиймати 6 миллион шекелга (1,8 миллион доллар) тенг бўлган 80,000 дозадаги коронавирусга қарши вакциналарни йўқ қилади. Бу ҳақда Channel 12 телеканалига асосланиб The Times of Israel хабар бермоқда.
Қайд этилишича, препаратнинг дозалари яроқлилик муддати ўтганлиги сабабли йўқ қилинади. Қайси вакцина ҳақида гап кетаётгани номаълум. Шу билан бирга, хабарларга кўра, мамлакатда Aмериканинг Pfizer корпорацияси препарати қўлланилмоқда.
Исроилда кенг миқёсли эмлаш кампанияси ўтказилди, жами аҳолининг қарийб 57 фоизи эмланди, қариялар орасида бу кўрсаткич 90 фоизга етди. Бироқ коронавируснинг «дельта» штамми аниқланганидан бери мамлакатда касалликнинг кўпайиши кузатилмоқда: янги касалланганлар сони кунига 2000 кишидан ошмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter