Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Хитой вакцинаси иммунитет ҳосил қилди

Хитой вакцинаси иммунитет ҳосил қилди

Хитойнинг Sinovac Biotech биофармацевтика компанияси томонидан ишлаб чиқилган COVID-19га қарши вакцина клиник синовларда инсон саломатлиги учун хавфсизлиги ва тезкор иммунитет реакциясини яратиш қобилиятини намойиш этди.Бу ҳақда The Lancet Infectious Diseases журнали маълум қилди.

Эмланган кўнгиллиларда антителалар даражаси COVID-19дан муваффақиятли тузалганларникига қараганда пастроқ, аммо, бу биологик воситанинг инсон танасини вирусли инфекциядан ҳимоя қилиш қобилиятига таъсир қилмади, дейилади тадқиқотлар натижаларида.

CoronaVac  вакцинаси 18 ёшдан 59 ёшгача бўлган 700 дан ортиқ кишида ўтказилган тадқиқотларда ишлатилган.

«Иштирокчиларга 14 кунлик оралиқда 2 доза вакцина берилди. Натижалар препаратнинг самарадорлигини ва пандемия пайтида фавқулодда вазиятда фойдаланишга яроқлилигини кўрсатади», деди илмий мақола муаллифларидан бири Чжу Фэнцай.

Унинг таъкидлашича, эмлашдан кейин иммунитетнинг қанча вақт сақланиб қолинишини аниқлаш учун навбатдаги тадқиқотлар ўтказилиши керак.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг