«Боғча опа» ҳамкасбларининг картасидан пул ўғирлади
Қашқадарё вилояти Косон туманида яшовчи фуқаро Г.К. ва Ф.М.лар ариза билан мурожаат қилиб, номаълум шахс уларнинг банк картасидан пул ўғирлаганини маълум қилишган.
Қайд этилишича, Г.К.нинг банк картасида бўлган 2.854.000 сўм ҳамда Ф.М.нинг банк картасида бўлган 3.977.383 сўм миқдоридаги пулларини ечиб олинган. Мурожаатчилар айбдор шахсга нисбатан қонуний чора кўришликни сўрашган.
Текширувлар натижасида, ушбу жиноятни жабрланувчиларнинг ҳамкасби — Косон туманида яшовчи, 1999 й.т. З.Ч. содир этганлиги аниқланган.
З.Ч. банк картаси маълумотлари ва жабрланувчиларнинг телефонига келган смс-кодни олиб, банк картаси бошқарувини қўлга киритиб, пулларни ўзлаштирганлиги маълум бўлган.
З.Ч.га нисбатан Жиноят Кодексининг 169-модда 3-қисми билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Ўзбекистонда ушбу турдаги жиноят учун жазо оғирлаштирилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter