Туркия президенти Ражаб Тоййиб Эрдўғон НАТОни терроризмга қарши курашда альянс мамлакатга етарлича ёрдам бермаётганликда айблади.

«Европа Иттифоқи ва НАТО хавфсизлиги бизнинг шарқий чегараларимиздан бошланади. Биз ҳеч қачон НАТО доирасида терроризмга қарши курашишда ҳамкорлик қилишдан бош тортмаганмиз. Нега НАТО мамлакатлари терроризмга қарши курашда бизни ёлғиз қолдиришмоқда? Туркиядан ташқари яна ким террорчи давлатга қарши курашмоқда?» — деди Эрдўғон Анқарадаги нутқида.

Туркиядан ташқари яна ким террорчи давлатга қарши курашмоқда?

Шунингдек, у АҚШни Туркияда террорчилик ташкилоти деб ҳисобланган ҳамда мамлакатда тақиқланган Курдистон ишчилар партиясига алоқадор суриялик курдларнинг мудофаа кучларига ҳарбий ёрдам кўрсатишда айблади.

«Қурол-яроғ юкланган минглаб машиналар, транспорт воситалари террорчи гуруҳларга юборилди. Улар эса бундан фойдаланиб, бизга қарши уруш бошлашди. Биз НАТОга аъзо давлат сифатида уларга қарши курашяпмиз ва курашамиз ҳам», — деди Туркия раҳбари.