Эркак бешинчи қаватдан қулаган қизчани қутқариб қолди (фото)
Хитойлик эркак бешинчи қаватдаги деразадан тушиб кетаётган қизчани ушлаб қолиб, ижтимоий тармоқ қаҳрамонига айланди.
Бу ҳақда Asia One нашри хабар берди.
31 ёшли Шэн Донг кучли шовқин овозини эшитиб, машинасини тўхтатган. Маълум бўлишича, шовқинга бешинчи қаватдан деразадан тушиб кетган икки ёшли қиз сабабчи бўлган. Қизча дастлаб, кўпқаватли уйнинг биринчи қаватида жойлашган кафенинг айвонига тушган.
У сўнгра бетонга қулаш хавфи остида сирпанишни бошлаган, аммо ўша пайтда Шэн етиб келиб, жабрланувчини тутиб қолган. Шифокорларнинг сўзларига кўра, ҳодиса натижасида қиз қўл ва оёқларидан жароҳат олган, бироқ унинг аҳволи барқарор.
«Ўша пайтда нимани ўйлаганимни эслай олмайман. Мен шунчаки беихтиёр болага югурдим», — дейди Донг.
Мазкур хабар ижтимоий тармоқлар орқали тарқалгач, одамлар уни ҳақиқий қаҳрамон деб аташди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter