Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Евроиттифоқ россияликларга виза беришни тақиқлаш масаласини муҳокама қилмоқда

Евроиттифоқ россияликларга виза беришни тақиқлаш масаласини муҳокама қилмоқда

Европа Иттифоқига аъзо давлатлар Россиянинг Украинага қилган ҳужуми туфайли унга визани тақиқлаш таклифини кўриб чиқмоқда.

Айрим чет эл ОАВлар бу таклифнинг қабул қилинмаслигини тахмин қилишяпти.

Европа Иттифоқи мамлакатлари ташқи ишлар вазирлари мазкур масалани муҳокама қилиш учун Прагадаги норасмий йиғилишнинг иккинчи кунида учрашди. Бугунги йиғилиш норасмий бўлгани учун ҳеч қандай расмий қарор қабул қилинмайди, аммо вазирлар ўзларининг сиёсий қарорларини эълон қилишлари кутилмоқда.

Таклифни қўллаб-қувватловчилар орасида Болтиқбўйи давлатлари ва Финляндия, Дания, Польша ва Чехия каби ЕИ аъзолари бор. Бу давлатлар Россия фуқароларининг Европа Иттифоқи мамлакатларига киришига Европа Иттифоқи миқёсида тақиқ қўйишни талаб қилиб, буни миллий хавфсизлик масаласи деб баҳоламоқда.

Россияликларга виза беришни тақиқлаш тарафдорлари, шунингдек, «Украинага ҳужум қилган давлат фуқароларига Европа бўйлаб саёҳат қилишлари, дам олишлари, харид қилишларига рухсат бериш маънавий жиҳатдан тўғри келмайди» деган фикрни билдиришмоқда.

Украина ҳукумати ҳам бу таклифни қабул қилиш учун Европа Иттифоқига босим ўтказмоқда.

Европа Иттифоқи расмийлари эса, масаланинг нозик эканини, «орадаги муносабатларни бузмаслик» учун эҳтиёткорлик билан ҳаракат қилиш кераклигини, бунинг «Россия президенти Путиннинг уруши» эканлигини ва бу учун бутун рус халқини жазолаш тўғри бўлмаслигини таъкидламоқда.

Европа Иттифоқининг Ташқи ишлар ва хавфсизлик сиёсати бўйича Олий вакили Жосеп Боррелл бу мавзудаги фикрини билдирар экан, «бу уруш тугаганидан кейин Россия билан бўлажак муносабатлар ҳақида ўйлаш керак»лигини таъкидлаган.

Руслар учун виза тақиқланишига қарши чиққанлар орасида Франция, Германия, Греция каби Европа Иттифоқи аъзолари ва Жанубий Кипрнинг Россия маъмурияти ҳам бор.

Франция ва Германия, Европа Иттифоқи ташқи ишлар вазирлари йиғилишидан олдин, ўз позицияларини ифодаловчи ҳужжат тайёрлаб, Россия фуқароларига омматан тақиқ қўйишга қарши эканликларини билдирган эдилар.

«Шенген»га аъзо Европа Иттифоқи мамлакатлари учинчи давлат фуқароларига визалар берадими ёки йўқми, уларнинг ихтиёрида. Тақиқни қўллаб-қувватлаётган давлатлар ўзлари Россия фуқаролари учун виза чекловларини бошлаб юборишган.

Масалан, Финляндия россияликларнинг бошқа Европа давлатларига ўтиш учун мамлакатдан фойдаланишига йўл қўймаслик учун виза бериш ставкаларини аввалги ҳажмнинг 10 фоизигача камайтиришини эълон қилди.

Чехия ва Полша уруш бошланганидан кўп ўтмай Россия фуқароларидан виза олиш учун аризаларни қабул қилишни тўхтатди.

Европа Иттифоқининг Россия фуқаролари учун визани тақиқлаш таклифи ўрнига бугунги йиғилишда Россия ва ЕИ ўртасидаги визаларни соддалаштиришни назарда тутувчи келишув тўхтатилиши кутилмоқда.

Ушбу қарор билан Россия фуқароларининг Европа Иттифоқи давлатларидан виза олишлари қийинлашади. Руслар виза учун ариза бериш учун кўпроқ ҳужжатлар талаб қилади, виза тартиб-қоидалари узоқроқ давом этади ва виза учун тўловлар ошади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг