Эйнштейннинг машҳур формула ёзилган хати аукционда сотилди
Машҳур физик олим Альберт Эйнштейн ўз қўли билан ёзган хат (унда E=mc2 формуласи таърифланган) Бостон (АҚШ)даги «RR Auction» кимошди савдоларида 1,2 миллион доллардан қимматроққа сотилди.
Маълум қилинишича, хатнинг бошланғич нархи 400 минг доллар атрофида бўлган.
Масса ва энергия эквивалентлигини ифодаловчи E=mc2 формуласи энг машҳур физик формулалардан саналади.
Аукционлар уйи маълумотига кўра, Эйнштейн қўли билан ёзилган формуланинг тўрт нусхаси маълум. Ушбу сотилган хат эса кенг омма эътиборига биринчи марта ҳавола этилди. Уни ким сотиб олгани маълум қилинмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter