Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ҳабиб Нурмагомедов Гэтжи билан жангда неча миллион доллар ишлаши маълум бўлди

Ҳабиб Нурмагомедов Гэтжи билан жангда неча миллион доллар ишлаши маълум бўлди

Фото: «Instagram»

Енгил вазнда UFC чемпиони Ҳабиб Нурмагомедов бир жанг орқали рекорд даражада пул ишлаб олишга яқин турибди. 24 октябрь, шанба куни Абу-Дабидаги «Жангчилар ороли»да Ҳабиб Нурмагомедов — Жастин Гэтжи жанги гонорари қанча бўлишини «МК-Спорт» ҳисоблаб чиқди.

UFC ҳеч бир жангнинг қанча пул келтиришини ҳеч қачон очиқламайди. Бунинг устига, ҳисоб-китоб жангдан сўнг ўтказилади: трансляциялар қанча пул келтиргани, энг яхши жанглар учун бонуслар ва ҳ.к.

Бироқ Ҳабиб Нурмагомедов – Жастин Гэтжи жанги гонорарлари ҳақидаги маълумотлар олдиндан деярли ошкор бўлиб улгурди. Россиялик промоутер Камил Гаджиев тахминига кўра, Ҳабиб бу жангда фаолияти давомида ишлаган барча пуллардан кўпроғини топади:

«Гонорари фанатлар базаси кенгайишига мос ўсса керак. Ўтган жангига нисбатан икки баравар кўп ишлаши эҳтимолдан холи эмас».

Ҳабиб Нурмагомедов ўтган сафарги жангида (Дастин Порьега қарши) промоушн учун рекорд кўрсаткич — 6 млн. доллар ишлаганди. Икки йил аввал, Конор Макгрегорга қарши жангда 2 млн. доллар ишлаган, бироқ майдон ташқарисидаги жанжали учун 500 мингини жаримага ушлаб қолишган.

Нурмагомедов 2012 йили UFC даги дебюти учун 16 минг доллар олган. Кейин, жангдан-жангга даромади ошиб борди. Гэтжига қарши жанги эса аралаш жанглар тарихига рекорд бўлиб ёзилиши мумкин: Ҳабиб 12 миллион доллар олиши мумкин!

Журналистларга маълум бўлишича, Ҳабибнинг кафолатланган гонорари 8 миллиондан кам бўлмайди, Гэтжиники эса 5 миллион доллар. Бунга PPV дан фоизлар ва мукофот пуллари ҳам қўшилса умумий гонорар 18 миллион долларга етади, шундан 12 миллиони Нурмагомедовга тегади, дейилади хабарда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг