Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

ИИВ академиясининг Нукус филиали ташкил этилади

ИИВ академиясининг Нукус филиали ташкил этилади

Фото:«Akamvd.uz»

Ички ишлар вазирлги Академиясининг Нукус филиали ташкил этилади. Бу ҳақда  «Ички ишлар органлари учун профессионал кадрларни тайёрлашнинг сифат жиҳатидан янги тизимини жорий этиш бўйича чора-тадбирлар тўғрисида»ги Президент қарорида айтиб ўтилган. 

Филиалда тўлақонли ўқув жараёни Академиянинг бакалавриати бўйича кундузги таълим шаклида 2022/2023 ўқув йилидан бошланади.

Филиалда таълим олган битирувчиларга Академия битирувчилари учун назарда тутилган диплом берилади.

Филиалда ўқиш учун номзодлар дастлабки босқичда Қорақалпоғистон Республикаси ва Хоразм вилоятида, кейинчалик республиканинг бошқа ҳудудларида доимий яшовчи шахслар орасидан танлаб олинади.

Филиалга ўқишга қабул қилиш квотаси Академияга умумий қабул квотаси доирасида Қорақалпоғистон Республикаси ва Хоразм вилояти ички ишлар органларининг эҳтиёжини инобатга олган ҳолда белгиланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг