Олимлар қонни ёшартирувчи мевани аниқлашди
«Лента»нинг ёзишича, архат (лотинча Siraitia grosvenorii) мевасини истеъмол қилиш қаришни секинлаштиради. Бу ҳақда «Food News» хитойлик олимларнинг «The American Journal of Chinese Medicine» журналида чоп этилган мақоласига таяниб маълум қилган.
Соғлом овқатланиш ҳақида янгиликларга ихтисослашган сайтнинг таъкидлашича, 10 ой давомида архат билан боқилган сичқонларда қариш жараёни секинлашган. Олимларнинг изоҳлашича, мева қизил иликда махсус ҳужайралар функциясини кучайтириб, қайта тикланишга кўмаклашади.
Мутахассисларнинг фикрича, сичқонлар устида ўтказилган тажриба натижалари одамларга ҳам тегишли деб ҳисобласа бўлади.
— Бу натижаларга асосланиб тадқиқотчилар гуруҳи архат истеъмол қилиш инсон умрини узайтириши мумкин деган хулосага келишди, — деб ёзилган нашрда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter