Хабарлар тезкор Телеграм каналимизда Обуна бўлиш ×

Ўзбекистон Тожикистондан электр импортини йўлга қўйди

Ўзбекистон Тожикистондан электр импортини йўлга қўйди

Сурхондарё вилоятида аҳоли ва ижтимоий соҳа объектларини узлуксиз  электр  энергияси билан  таъминлаш  мақсадида қўшни Тожикистон Республикасидан қўшимча электр энергияси етказиб бериш  йўлга қўйилди. Бу ҳақда «Ҳудудий электр тармоқлари» Сурхондарё ҳудудий филиали матбуот хизмати хабар берди.

Маълум қилинишича,  2023 йил 18 январ куни Шўрчи, Олтинсой, Қумқўрғон, Жарқўрғон туманларининг 70 фоиз,  Бандихон, Қизириқ, Шеробод туманларининг 90 фоиз ва Бойсун туманидаги электр энергия истеъмолчилари  Сариосиё, Узун, Денов  туманлари қатори Тожикистон Республикасининг «Регар-500» подстанциясидан чиқувчи 220кВли Л-Регар-Зарчоп ва Л-Регар-Шеробод электр узатиш тармоқлари орқали кучланиш билан таъминланди.

Вилоятимизнинг  Термиз, Жарқўрғон туманларининг  30 фоизи, Музработ, Ангор, Шеробод туманларининг 10 фоизи  ҳамда Термиз шаҳрининг электр энергия истеъмолчилари 196 МВт юклама билан  Ўзбекистон Республикаси орқали кучланиш билан таъминланмоқда.

Тожикистон Республикасининг «Регар-500» подстанциясидан чиқувчи 220кВли Л-Регар-Зарчоп ва Л-Регар-Шеробод электр узатиш тармоқларининг ҳар биридаги симнинг юкламани кўтариш қобилияти 250 МВтга мўлжалланган бўлиб, Л-Регар-Зарчоп ва Л-Регар-Шеробод электр узатиш тармоқларининг бирортаси фавқулотда ўчиб қолиш ҳолатлари юз берган вақтларда энергосистемани сақлаб қолиш мақсадида Шўрчи, Олтинсой, Қумқўрғон, Жарқўрғон, Бандихон, Қизириқ, Шеробод, Бойсун, Сариосиё, Узун, Денов  туманлари бўйича  Жанубий минтақавий диспетчерлик бошқармаси диспетчерларининг топшириғи ва Сурхондарё ҳудудий диспетчерлик бўлими диспетчерининг фармойиши билан туманларнинг ўзидан тасдиқланган чеклаш графигига асосан  6-10 кВли фидерлардан соатига 70-80 МВт дан чеклаш олиб бориш тақазо этилади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг