IT-Park ҳамда GoToAsia.Market ҳамкорликда Ўзбекистонда пандемия оқибатларини бартараф этиш бўйича корпорациялар, бизнес ва давлат органлари учун инновацияларга доир онлайн анжуман ўтказади.

Ушбу анжуман инвесторлар ва технологияларни қўллаб-қувватловчи жамғармалар вакиллари учун ҳам фойдали бўлади: унда алоқа маълумотларини алмашиш ва қўшма лойиҳаларни амалга оширишга келишиб олиш мумкин.

GTAM Alliance – «IT-ASIA» MChJ (Тошкент), «IT-V» (Москва), «Global Care League» MChSh (Олма-Ота) асосида 2019 йилда ташкил этилган лойиҳадир. Ташкилотнинг асосий мақсади CIS, MENA ва Indiq бозорида инновацион технологияларни (инновацияларни узатиш) тарғиб қилишдир.

Ҳозирда асосий эътибор давлат ва бизнес буюртмачилари, шунингдек, технологик-инновацион лойиҳалар манфаатлари йўлида Россия ва Ўзбекистондаги фаолиятга қаратилмоқда.

Онлайн анжуман 2020 йил 5 май куни Москва вақти билан соат 11:00, Тошкент вақти билан соат 13:00 бошланади.

Анжуманда Россия, Ўзбекистон ва Қозоғистондаги стартаплар вакиллари, шунингдек, Covid-19 Challenge 2020 дастурининг финалчилари маъруза қилади.

Онлайн анжуман 4 та мавзуда бўлиб ўтади:

• Тиббиётдаги технологиялар
• Онлайн таълим
• Масофавий иш
• B2B ва B2G  ечимлар

Анжуман дастури қуйидагиларни ўз ичига олади: очилиш маросими, лойиҳалар тақдимоти ва экспертлар ва меҳмонларнинг фикр-мулоҳазалари.

Агар сиз стартапчи бўлсангиз ва ушбу онлайн анжуманда маъруза қилишни истасангиз, қуйидаги ҳаволалар орқали рўйхатдан ўтишингиз мумкин.

Анжуман ҳақида батафсил маълумот: https://gotoasia.market/online-conference-covid

Рўйхатдан ўтиш: https://gotoasia.market/online-conference-covid#form