Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Президент ташрифи доирасида Марғилонда янги марказ очилди (видео)

Ўзбекистон Республикаси президенти Шавкат Мирзиёевнинг Фарғонага ташрифи доирасида Марғилонда рақамли технологиялар ўқув маркази очилди.

Фото: Xabar.uz

Икки қаватли, жами 3100 квадрат метр майдонни эгаллаган бу кўркам бинода 120 та иш ўрни яратилган. Марказда ўрта мактабларнинг 7 ва 11-синф ўқувчилари, ахборот технологиялари соҳасига қизиқувчи ёшлар, талабалар шу йўналишларда ўқитилади. Келгусида улар Фарғона вилоятида очиладиган IT-Парк филиалида ишлашлари мумкин бўлади.

Фото: Xabar.uz

Шунингдек, мазкур марказда давлат ташкилотлари ходимлари ҳамда мактабларнинг ахборот технологиялари фани ўқитувчиларининг АКТ бўйича малакаси ошириб борилади.

Фото: Xabar.uz

Умуман олганда,  2020-2021 йилларда вилоятда шундай 19 та марказ очилиши режалаштирилган, жумладан, жорий йилнинг ўзида Данғара, Бағдод  Риштон туманлари ва Фарғона, Қўқон ва Қувасой шаҳарларида рақамли технологиялар марказлари ишга туширилади.

Фото: Xabar.uz

Марказ фаолиятини йўлга қўйишда Ўзбекистон Республикаси ахборот технологиялари ва коммуникацияларини ривожлантириш вазирлиги раҳбарияти ва мутахассислари, соҳа корхона ҳамда ташкилотлари ходимларининг хизмати катта бўлди.

Фото: Xabar.uz

Ушбу замонавий ўқув маскани фаолияти, келгуси режалари, бу ерда амалга ошириладиган лойиҳалар тўғрисида Рақамли технологиялар маркази директори Баҳром Жалилов «Xabar.uz» мухбирига сўзлаб берди. Интерьвюни юқоридаги видеода кўришингиз мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг