Қирғизистонда коронавирусга чалинган икки бемор касалхона бўсағасида вафот этди
Қирғизистон пойтахти Бишкекда 29 июнь, душанба куни Миллий шифохона урология бўлимига келтирилган икки нафар бемор касалхона биносига киришга ҳам улгурмай вафот этди.
Шифохонанинг ушбу бўлимига коронавирусга чалинган беморлар ҳам ётқизилмоқда.
Шифокорларнинг айтишича, беморлар жуда оғир аҳволда келтирилган, уларни ҳатто текшириш ва шахсини аниқлашга ҳам улгуришмаган.
Врачлар жонлантириш ишларига кўчанинг ўзида уриниб кўришган, бироқ беморлар ҳаётини сақлаб қолиша олмаган. Шундан сўнг ўлим ҳолатини қайд этиш учун, милиция ходимларини чақиришган.
Сўнгги олинган маълумотга кўра, Қирғизистонда коронавирусга чалиниш ҳолатлари сони 5735 тага етди, 62 нафар бемор вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter