Хабарлар тезкор Телеграм каналимизда Обуна бўлиш ×

Режиссёр Ҳамдамовнинг уйини ўғри урди

Режиссёр Ҳамдамовнинг уйини ўғри урди

Фото: «Bersoantik.com»

Россиялик кинорежиссёр Рустам Ҳамдамовнинг уйидан қиймати 300 минг рублга тенг тақинчоқлар ўғирлаб кетилган. «Kp.ru» хабар беришича, режиссёрнинг ўзи эски танишидан гумонсираяпти, аммо ҳаммасига тергов аниқлик киритади.

«Kp.ru» манбасига кўра, ўғирлик содир бўлгани ҳақидаги хабар ҳуқуқни муҳофаза қилувчи органларга шанба, 19 октябрь куни кечки пайт келиб тушган. Рустам Усмоновичнинг айтишича, бир ҳафта илгари унинг Москвадаги Леонтьев тор кўчасида жойлашган квартирасига Роман исмли эски таниши келган экан.

Улар пича суҳбатлашиб ўтиришиб, тарқалишган, эртаси куни режиссёр қимматбаҳо буюмлари камайиб қолганини пайқаб қолган. Қутичадан ўғирланган кўҳна зирак, ёқут кўзли узук, тошлар қадалган тўғноғич, бриллиант қалдирғочли соат — 75 ёшли пенсионер учун анчайин катта йўқотиш.

Ҳамдамов бошқа хонада пайтим меҳмон пайтдан фойдаланиб, тақинчоқларни ўғирлаб олган, деган гумонда. Тергов давом этмоқда.

Маълумот учун: Рустам Ҳамдамов 1944 йилнинг 24 май куни Тошкентда туғилган. Миллати — ўзбек. Айни пайтда Россия Федерацияси фуқароси. Кинорежиссёр, сценарийнавис, рассом. Бутуниттифоқ давлат кинематография институтини тугатган. Кўплаб сценарийлар ёзган, 1960-йилларда машҳур «Тоғлардадир менинг юрагим» қисқа метражли фильмини суратга олган. Қолаверса, у истеъдодли рассом сифатида ҳам машҳур. 2003 йили асари ҳали ҳаётлиги чоғи Эрмитаждан жой олган илк россиялик рассом бўлган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг