Хабарлар тезкор Телеграм каналимизда Обуна бўлиш ×

Сирдарёда молиявий пирамида ташкил қилган МЧЖ раҳбари ушланди

Сирдарёда молиявий пирамида ташкил қилган МЧЖ раҳбари ушланди

Гулистон шаҳрида устама тўлов шарти билан фуқароларнинг пул маблағини жалб қилган МЧЖ раҳбарининг кирдикорлари фош бўлди.

Иқтисодий жиноятларга қарши курашиш департаменти берган маълумотга кўра, Департаментнинг Гулистон шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, “D.i.” МЧЖ раҳбари У.А. ва бошқалар фуқаролардан гўёки инвестиция кўринишида пул маблағини жалб этиб, ҳар ой ўн фоиз устама тўловлари тўлаб беришга ишонтириб, 5 нафар фуқаронинг 105,8 млн сўми ва 17 000 АҚШ долларини қўлга киритиб, ўзларининг шахсий эҳтиёжлари учун сарфлаб юборганликлари аниқланган.

Мазкур ҳолат юзасидан Жиноят кодексининг 188-1-моддаси (пул маблағларини ва (ёки) бошқа мол-мулкни жалб этишга доир ноқонуний фаолият) билан жиноят иши қўзғатилиб, тергов ҳаракатлари ўтказилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг