Тошкент вилоятида учта уй ёниб кетди
Тошкент туманида бир-бирига туташ қурилган хонадонларда ёнғин содир бўлди.
Бугун, 30 май куни соат 13:59 да Тошкент вилояти Тошкент тумани «Абдураҳмонов» МФЙда жойлашган бир-бирига туташ қурилган хонадонларда ёнғин содир бўлганлиги тўғрисида туман ФВБга хабар тушган.
Шунга кўра 9 та ёнғин-қутқарув экипажи соат 14:24 да воқеа жойига етиб бориб, ёнғин соат 14:47 да ўраб олинган ва соат 15:15 да ўчирилган.
Ёнғин натижасида 3 та хонадоннинг тахминан 450 кв.м майдонда том ва ички жиҳозлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter