Тошкентда бир кунда 183 нафар қурувчида коронавирус аниқланди. Компания номи сир тутилмоқда
Тошкентда 7 июнь куни коронавирус юқтирган 195 беморнинг 183 нафари — битта муассасада ишлаётган қурувчилар бўлган. Бу ҳақда Санитария-эпидемиологик осойишталик агентлиги директори биринчи ўринбосари Ботиржон Қурбонов маълум қилди.
Ботиржон Қурбонов ушбу компания номини ошкор қилмади ва буни ўша компаниянинг обрўйига зарар етказиши билан изоҳлади. Шундай бўлса-да, компанияга нисбатан тегишли маъмурий чоралар кўрилган ва тушунтириш-тарғибот ишлари олиб борилган.
Ҳолат бўйича қурувчилик фирмасида ишлаган яна 300 дан ортиқ ишчи карантинга олинган.
Коронавирус аниқланган ишчиларнинг оила аъзолари карантинга олинмаган. Буни Ботиржон Қурбонов ишчилар вилоятлардан келиб, ётоқхонада тургани ва уйидагилар билан камида сўнгги 14 кун давомида контактда бўлмагани билан изоҳлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter