Хитой яна коронавирусдан ваҳимага тушиб қолди
Хитойнинг Циндао шаҳар маъмурияти барча аҳолини SARS-CoV-2 коронавирусига текширмоқчи. Шаҳарда тўққиз миллион киши яшайди, дея хабар берди «BBC News».
Касаллик қайтадан тарқалгандан сўнг шундай қарорга келинган: ўндан ортиқ юқтирганлар хориждан қайтган хитойликларни даволаган клиника билан алоқадор бўлиб чиқди. Аниқланган касаллик ҳолатларининг ярми аломатсиз кечган.
Маҳаллий ОАВ турнақатор навбатларнинг видео ва фотосуратларини эълон қилди: Циндаонинг дастлабки бешта ҳудуди уч кунда, шаҳарнинг қолган қисми яна икки кун ичида тўлиқ текширувдан ўтказилади.
«Worldometers» маълумотларига кўра, Хитойда 85 578 киши коронавирусга чалинган, 4 634 киши инфекция туфайли ҳаётдан кўз юмган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter