Чусовитина Олимпиадага бориш учун жаҳон чемпионатидан воз кечди
Ўзбекистон терма жамоаси аъзоси Оксана Чусовитина 29 октябр куни бошланадиган спорт гимнастикаси бўйича жаҳон чемпионатига бормайдиган бўлди.
Чунки 47 ёшли спорт афсонасининг мақсади улкан. Кейинги мавсумга яхшироқ тайёрланиш ҳамда 2024 йилги Олимпиадага йўлланма олиш учун ЖЧни ўтказиб юборишга қарор қилди.
Чусовитина шу йил Қатар пойтахти Доҳада ўтган Жаҳон кубогида олтин медални қўлга киритганди.
Оксана Чусовитина Олимпия ўйинларида 8 маротаба қатнашган: Ўзбекистондан ташқари, МДҲ ва Германия вакили бўлиб борган. 1992 йилги Олимпиадада жамоавий кўпкурашда чемпион бўлган. Жаҳон чемпионатларида уч марта олтин медални қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter